الجنيه الحزين

شعر محمد محسن - مصر
  أبو الكباتنْ
يا أبو سعر ساكنْ
مغشوش و لكن ْ
في الأصل صايعْ
ده القطر فاتكْ
من كتر سكاتكْ
و أهجر نزواتكْ
يا واد يا ضايعْ

ماتفوق وتشيلْ
ده الشوط طويلْ
في لسه بديلْ
لو ميل موانعْ
سرقوك العرهْ
من جوه و برهْ
و أحزاب قال حرهْ
من ضرب الدرهْ
والفقر الشائعْ
أعبر أزماتكْ
و أرفع من ذاتكْ
بكفاح زقاتكْ
و كفاك مواجعْ
شبعنا طبولْ
وكلام منخولْ
من غير مفعولْ
ولا شفنا مصانعْ
شوف الدولارْ
سوبر صبارْ
شفط الآبارْ
بزرار من نارْ
و لا حد سامعْ



28  مارس 2004