الثلاثاء، 24 يناير، 2012

شعور وحش اوى

اما تدخل محل من بتوع التيك اواى و تبقى عايز تشتري ساندوتش تمنه 10 جنيه
و تدخل على البنت اللى على الكاشير ( طبعاً مع غض البصر يا شباب :) و تطلب الطلب بتاعك ,

و بعدين تسألك : تحب صوص الهلهليز و لا صوص البرطنيز؟
طبعا انت تتحرج تقولها ماعرفش ايه دة .. فتقول لها : هلهليز لو سمحتى


- و يا فندم تحب مع السندوتش كونجا مونجا و لا سيكي ميكي
ترد انت تقولها : سيكي ميكي لو سمحتى و يا ريت كتير عشان بحبه

- جوه السندوتش يا فندم تحب هارالام بمبم ؟ و لا جنبه شنجرنفت؟
ترد و انت كأنك بتفكر : هارالام بمبم لو سمحتى . بس مش كتير عشان بيوجعلى بطنى

- اوك يا فندم بالنسبه للسلطه . سلطة كوكو واوا؟ و لا سلطه سيكيليه فى الحمبزيـه ؟ و لا سلطه باربارينو ايطالى؟
تقولها و انت محرج : اى حاجه مش هتفرق

- اوك يا فندم الحساب 176 جنيه و 40 قرش

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.